ლონდონის საერთაშორისო საქმეთა სამეფო ინსტიტუტის ექსპერტების მიერ მომზადებული ანგარიშშის მიხედვით, ექპერტები ირწმუნებიან, რომ დასავლეთის ქვეყნებმა დაუყოვნებლივ უნდა გაზარდონ შეიარაღება, რათა ვლადიმერ პუტინის აგრესიულ პოლიტიკას წინ აღუდგნენ.

ანგარიშის თანახმად, ევროპულმა სახელმწიფოებმა სათანადოდ ვერ შეაფასა ბოლო წლებში რუსეთიდან მომდინარე საფრთხე. ასევე სათანადო პასუხი ვერ გასცა რუსეთის მიერ უკრაინაში განხორციელებულ აგრესიას და კიევს რთულ სიტუაციაში ეფექტური დახმარება ვერ აღმოუჩინა.

ანგარიშში ნათქვამია, რომ ვლადიმერ პუტინის ამბიციებს მუდმივად აქეზებდა დასავლეთის სუსტი და არადამაჯერებელი რეაგირება, მაგალითად რუსეთის მიერ სამხრეთ ოსეთისა და აფხაზეთის დაპყრობის შემდეგ.

„კრემლს მიაჩნია, რომ ევროპას არ აქვს საკმარისი სურვილი იმისა, რომ გარკვეულ ფასად დაიცვას თავისი პრინციპები. რუსეთმა ნათლად გამოხატა თავისი ამბიციები და ინტერესები უკვე 10 წელზე მეტია, თუმცა, დასავლეთისთვის მისი იგნორირება უფრო მარტივი აღმოჩნდა და დაეყრდნო ფანტაზიას, რომ რუსეთი ლიბერალური დემოკრატიისკენ შემობრუნდებოდა“ - ნათქვამია მოხსენებაში.

ექსპერტების თქმით, უკრაინის კონფლიქტი რუსეთ-ევროპოის კონფლიქტში გადაიზარდა და კონფლიქტის ესკალაციის შემთხვევაში პუტინი ტაქტიკური ბირთვული იარაღის გამოყენებაზეც თანახმაა, თუმცა დასავლელ ლიდერებს ამის უბრალოდ არ სჯერათ.

იმის გათვალისწინებით, რომ რუსეთმა შეიარაღებული ძალების განახლება დაიწყო, სასიცოცხლოდ მნიშვნელოვანია დასავლეთმა საკუთარი ძალა დანახოს და დაარწმუნოს, რომ აგრესიის ან თუნდაც „ჰიბრიდული ომის“ შემთხვევაში მის შეჩერებას შეძლებს.

„ნატომ უნდა შეინარჩუნოს თავისი ავტორიტეტი და როლი რუსული აგრესიის შესაჩერებლად. კერძოდ, უნდა დაამტკიცოს, რომ შეიარაღებული კონფლიქტი შეუძებელია და „ჰიბრიდულ ომზე“ რეაქცია მკაცრი იქნება“ - წერენ ექსპერტები.