შს მინისტრის მოადგილის ლევან იზორიას თქმით, უსაფრთხოების სამსახურის უფროსის დანიშვნა საარჩევნო პერიოდს არ დაუკავშირდება.

მისი თქმით, სუს-ის უფროსი 6 წლის ვადით აირჩევა.

„სახელმწიფო უსაფრთხოების სამსახურის უფროსის დანიშვნა არ იქნება დაკავშირებული საარჩევნო პერიოდთან, რადგან წარმოდგენილი კანონპროექტით მისი არჩევა 6 წლის ვადითაა გათვალისწინებული. ის უფლებამოსილელები, რომელიც უკავშირდება ფარულ საგამოძიებებო უფლებამოსილებებს, აღარ იქნება. ბუნებრივია იქნება ოტო, მაგრამ არა ამ უფლებამოსილებებით და შესაბამისად ის გადავა სახელმწიფო უსაფრთხოების სამსახურში“, - განაცხადა იზორიამ.

პარლამენტში დღეს შინაგან საქმეთა სამინისტროს და პროკურატურის რეფორმირების საკითხს განიხილავენ. შსს-დან სუს-ის გამოყოფაზე დეპუტატები ადამიანის უფლებათა დაცვის კომიტეტის სხდომაზე მსჯელობდნენ. უკვე ცნობილია, რომ უწყების რეფორმირებას საპარლამენტო უმცირესობა მხარს არ დაუჭერს. როგორც „ნაციონალურ მოძრაობაში“ განმარტავენ, ეს იქნება ცალკე უწყება, რომელიც პოლიტიკურ დევნას განახორციელებს. თუმცა უმრავლესობაში სუს-ის პოლიტიკზირებას გამორიცხავენ.