სამხრეთ კორეის ხელისუფლების გადაწყვეტილებით, კორონავირუსის გავრცელების გამო 200-ზე მეტ სკოლაში კარანტინი გამოცხდდა და სასწავლო პროცესი შეწყდა. ვირუსი „მერსით“ დაინფიცირებული ადამიანების რიცხვი ბოლო ერთი დღის განმავლობაში 5-ით გაიზარდა და 30-ს მიაღწია. გავრცელებულმა ვირუსმა 2 ადამიანის სიცოცხლე იმსხვერპლა.

ეპიდემიის საფრთხის გამო, სამხრეთ კორეის პრეზიდენტმა პაკ კინ ჰემ საგანგებო სხდომა მოიწვია ჯანდაცვის სექტორის წარმომადგენლებთან და სამედიცინო ექსპერტებთან ერთად.
ჯანდაცვის მსოფლიო ორგანიზაციის ცნობით, მსოფლიოში კორონავირუსით დაინფიცირების სულ 1 100 შემთხვევა დაფიქსირდა, მათგან 436 ფატალური აღმოჩნდა.

კორონავირუსს მთელი რიგი დაავადებების გამოწვევა შეუძლია - მსუბუქი ფორმის რესპირატორული ინფექციის დაწყებული, სასიკვდილო დაავადებებით დასრულებული.