ევროპა რუსეთის მსოფლიო ჩემპიონატის ბოიკოტსა და ალტერნატიული ტურნირის გამართვას აპირებს

მსოფლიო - 21:38, 02 Jun, 2015

3103

პარასკევს, 5 ივნისს, ევროპის საფეხბურთო ასოციაციების ოფიციალური წარმომადგენლები შეხვედრას გამართავენ, რომელზეც დადგება საკითხი რუსეთში 2018 წელს დაგეგმილ მსოფლიოს ჩემპიონატის ბოიკოტისა და ალტერნატიული ტურნირის გამართვის შესახებ, იუწყება ბრიტანული გაზეთი The Guardian.

მაღალი ნდობის წყაროს განცხადებით, შეხვედრის მონაწილეებს გააცნობენ ე.წ. "გეგმა ბოიკოტს“, რომლის თანახმადაც რუსეთში 2018 წლის მსოფლიო ჩემპიონატში მონაწილეობაზე ევროპისა და ლათინური ამერიკის წამყვანი საფეხბურთო ქვეყნები უარს განაცხადებენ.

პარალელურად, ევროპული ფეხბურთის მმართველ ორგანოში მუშავდება პროექტი, რომლის თანახმად 2 წელიწადში ერთხელ ჩატარდება კონტინენტის პირველობა, რომლის ფინალურ ეტაპზე ევროპულ ნაკრებებთან ერთად ბრაზილიის, ურუგვაის და არგენტინის ეროვნული გუნდებიც მიიღებენ მონაწილეობას.

გადაწყვეტილების ავტორები სვამენ რიტორიკულ კითხვას, რამდენად საინტერესო იქნება 2018 წლის მსოფლიო ჩემპიონატი, ევროპისა და ლათინური ამერიკის ქვეყნებიოს გარეშე.

ევროპული ფეხბურთის მესვეურებს ამ გადაწყვეტილების მიღებისაკენ იოზეფ ბლატერის FIFA-ს პრეზიდენტად ხელახლა არჩევამ უბუძგა.

საინტერესოა, როგორ გაგრძელდება აღნიშნული პროცესი და განხორციელდება თუ არა რუსეთში დაგეგმილი ჩემპიონატის ბოიკოტი იოზეფ ბლატერის გადადგომის შემდეგ.