საქალაქო სასამართლოში მიხეილ სააკაშვილის საქმეზე წინასასამართლო სხდომა იმართება. პროცესი დახურულ რეჟიმში მიმდინარეობს. საქმე ეხება ექსპრეზიდენტის მიმართ წაყენებულ ბრალს სახელმწიფო ბიუჯეტის არამიზნობრივ ხარჯვაზე. საუბარია დაახლოებით 9 მილიონ ლარზე.

მხარეების განმარტებით, სხდომის დახურვის მიზეზი არის ის, რომ სასამართლო სახელმწიფო საიდუმლოების შემცველ დოკუმენტაციასა და მასალებს.

როგორც პროცესის დაწყებამდე პროკურორმა ქეთევან ჩაჩავამ განაცხადა, ისინი ბრალდების მხარის მტკიცებულებების დაშუვებლად ცნობას მოითხოვენ.

ჩაჩავას თქმით, აღნიშნული მტკიცებულებები უკანონოდ არის მოპოვებული.

„მათ შორის ბარაკ ობამას ოჯახის საყოფაცხოვრებო ხარჯები, რომელიც სრულიად გაუგებარია რა კავშირშია აღნიშნულ სისხლის სამართლის საქმესთან.ა ქ საუბარია იმ დათვალიერების ოქმებზე, რომელიც არის კანონის დარღვევით მოპოვებული, ანუ არ არის დაცული საპროცესო რეკვიზიტები, რაც აუცილებელია, ასევე საქმეში მოთავსებულია სახელმწიფო ორგანოებიდან გამოთხოვილი დოკუმენტები, რომლის წარმომავლობა საერთოდ არ ჩანს. აქედან გამომდინარე ბრალდებას აქვს საფუძველი, რომ ამ მტკიცებულებების დაუშვებლად ცნობა“ - განაცხადა პროკურორმა ქეთევან ჩაჩავამ.

ამავე საქმეზე ბრალი წაყენებული აქვს სახელმწიფო დაცვის სპეციალური სამსახურის უფროსს თემურ ჯანაშიას.