"დედა, დამჭრეს" - მხოლოდ ამ სიტყვების თქმა მოასწრო დედისთვის 18 წლის ახალგაზრდამ. ქუჩაში ფეხით მიმავალი გაბრიელ (ბეგი) მამალაძე სასიკვდილოდ გაიმეტეს. თვითმხილველების თქმით, ბიჭს ორი ახალგაზრდა დაედევნა. ბეგი ეხვეწებოდა, არ მომკლათო, მაგრამ დანა მაინც ჩაარტყეს...

ბეგი მამალაძე მშობლებთან ერთად ნუცუბიძის მესამე მიკრორაიონში მდებარე ბაღის შენობაში ცხოვრობდა. ოჯახი სოცია­ლურად დაუცველია. ბეგი ამ უბანში გაიზარდა, ყველა იცნობდა და ყველას უყვარდა­. ტრაგედიამდე ორი დღით ადრე საატესტატო გამოცდები ჩააბარა და ეს გახარებულმა "ფეისბუკის" გვერდზე დაწერა, ატვირთა ბოლო ზარის ფოტოებიც.

"ბეგი დედისერთა იყო. ერთ უბანში გავიზა­რდეთ. სიმღერებს, ლექსებს­ წერდა, რეპით იყო გატაცებ­ული. კარგად მღეროდა. არა­ჩვეულებრივად ხატავდა.

ქარდავა პლეხანოველია, როგორც ამბობენ, წინადღეს უჩხუბიათ, მეორე დღეს, წესით, უნდა შერიგებულიყვნენ, მაგრამ მოკლა. ვერასდროს წარმოვიდგენდი, თუ ბეგის ვინმე სასიკვდილოდ გაიმეტებდა. ჩვენი ბოლო ზარისთვის ლექსი დაწერა, კლასელებს დაგვინაწილა კუპლეტები და ყველამ ერთად გავრეპეთ. სიმღერა სტუდიაში ჩაგვაწერინა, ყველას მოეწონა..." , - ამბობს „კვირის პალიტრასთან“ გარდაცვლილის მეობარი მაია კობალაძე.

შეგახსენებთ, შემთხვევა ნუცუბიძის მესამე მიკრორაიონში 25 მაისს მოხდა. 18 წლის ბიჭი ურთიერთშელაპარაკების ნიადაგზე თანატოლებმა დანით დაჭრეს. მიყენებეული ჭრილობებით ახალგაზრდა საავადმყოფოში მიყვანამდე გარდაიცვალა.

მასალა ვრცლად იხილეთ ლინკზე - "კვირის პალიტრა"