რუსეთი და საფრანგეთი მისტრალთან დაკავშირებით ვერ თანხმდებიან.

გავრცელებული ინფორმაციით, მოსკოვში ფრანგი ექსპერტების დელეგაცია ჩავიდა, თუმცა მათ რუსეთი ფაქტობრივად კონსულტაციების დაწყებამდე დატოვეს.

რუსული მხარის განცხადებით, მოლაპრაკების ჩაშლის მიზეზი, ის გახდა, რომ პარიზი მათ აბსოლუტურად მიუღებელ პირობებს უყენებს. კონკრეტულად რა პირობებია ეს, არ სახელდება.

შეგახსენებთ, ორი „მისტრალის“ გადაცემასთან დაკავშირებული კონტრაქტი რუსეთსა და საფრანგეთს შორის 2011 წელს გაფორმდა. პირველი ხომალდის გადაცემა 2014 წელს იგეგმებოდა. იანვრის დასაწყისში, საფრანგეთის თავდაცვის მინისტრმა ჟან ივ ლე დრიანმა განაცხადა, რომ რუსეთი მხოლოდ იმ შემთხვევაში მიიღებს „მისტრალს“ თუ უკრაინაში მშვიდობის დამყარებას შეუწყობს ხელს.