ლიტვის საგარეო საქმეთა მინისტრის, ლინას ლინკიავიჩუსის განცხადებით, უკრაინის საზღვრებთან რუსული სამხედრო ძალების კონცენტრაცია შემაშფოთებელია. ამის შესახებ მას "როიტერთან" ინტერვიუში ისაუბრა. მისი თქმით, უკრაინაში პრორუსული სეპარატისტები ზოგიერთ ევროპულ ქვეყანაზე უკეთ არიან შეიარაღებულები.

სეპარატისტების მხრიდან ახალი შეტევის საფრთხის გამო, ლინკიავიჩუსმა დასავლეთს რუსეთზე ზეწოლის გაზრდისკენ მოუწოდა.

შეგახსენებთ, რამდენიმე დღის წინ "როიტერის" ჟურნალისტმა უკრაინის საზღვრისკენ მოძრავი რუსული მანქანებისა და ტანკების კოლონა დააფიქსირა.