ევროკავშირში უკრაინის წარმოამდგენელი, კონსტანტინ ელისეევი, „აღმოსავლეთ პარტნიორობის“ ქვეყნებიდან აზერბაიჯანის, ბელორუსისა და სომხეთის განცალკევების ინიციატივით გამოდის.

ამის შესახებ ელისეევმა კიევის მერვე ფორუმზე ისაუბრა.

„პირველ რიგში, ჩვენ შეგვიძლია უზრუნველვყოთ „აღმოსავლეთ პარტნიორობის“ ფარგლებში დიფერენციაციის პოლიტიკა. ვფიქრობ, უკვე დროა სამი ქვეყანა - აზერბაიჯანი, სომხეთი და ბელორუსი უკრაინისგან, საქართველოსა და მოლდოვისგან განვაცალკევოთ. სხვათა შორის, ამის გაკეთება რიგის სამიტზე ვცადეთ. ჩვენ გვქონდა შეთანხმებული სამმხრივი დეკლარაცია უკრაინის, საქართველოსა და მოლდოვის შესახებ. ეს არის ნათელი დიფერენციაცია" - განაცხადა ელისეევმა.