საქალაქო სასამართლოში სხდომა, სადაც გიორგი ოქროპირიძემ ნაფიცმსაჯულებს ჩვენება უნდა მისცეს, დახურულ ფორმატში გაიმართება.

მოსამართლემ გადაწყვეტილება ცოტა ხნის წინ მიიღო.

ამის მიზეზი დასახელდა ის, რომ შესაძლოა გუშინდელი სხდომის მსგავსად სასამართლო დარბაზში ჩვენებას ხმაური მოჰყვეს.

როგორც ადვოკატი დავით მოდებაძე ამბობს, ჩვენებაში გიორგი ოქროპირიძე საინტერესო დეტალებზე ისაუბრებს.

„დიდი და ვრცელი ჩვენება იქნება. დეტალერად ვერ მოვყვები ჩვენების შესახებ. შესაძლოა, ჩვენების დროს მაღალჩინოსნების გვარი მოისმინონ. არ გამოვრიცხავ, რომ თქვას მახარაძეს ბერძენიშვილმა ესროლაო“, - აცხადებს ადვოკატი.

შეგახსენებთ, გიორგი ოქროპირიძეს ბრალად ედება ლაშა მახარაძის მკვლელობა. შემთხვევა გასული წლის სექტემბერში მოხდა.