რადიკალური ისლამისტური დაჯგუფება, „ისლამური სახელმწიფოს“ მებრძოლებმა პალმირას ამფითეატრში 20 ადამიანი სიკვდილით დასაჯეს. პარალელურად, ქალაქ ტიკრიტში ბოევიკების მიერ მოკლული 470 ცხედრის ექსჰუმაცია მიმდინარეობს.

შეგახსენებთ, სირიის უძველესი ქალაქი პალმირა, რომელიც იუნესკოს კულტურული მემკვიდრეობის ნუსხაში შედის და მის ტერიტორიაზე მრავალი მსოფლიოში ცნობილი ისტორიული ძეგლი მდებარეობს „ისლამური სახელმწიფოს“ ბოევიკებმა 16 მაისს დაიკავეს. არსებობს საფრთხე, რომ პალმირა იმავე ბედს გაიზიარებს, რაც ერაყის რამდენიმე ისტორიულმა ძეგლმა, რომლებიც ჯიჰადისტებმა გაანადგურეს. გავრცელებული ინფორმაციით, ჯიჰადისტებმა სიკვდილით 250-მდე ადამინი დასაჯეს, მათ შორის უმრავლესობა ქალები და ბავშვები არიან.