უკრაინის პრემიერ-მინისტრის, არსენი იაცენუკის განცხადებით, უკრაინის მთავრობა ტერორისტებთან მოლაპარაკებებს არასოდეს გამართავს, თუმცა დონბასის ლეგიტიმურად არჩეულ წარმომადგენლებთან დიალოგისთვის მზადყოფნას გამოთქვამს.

„ჩემი ხელისუფლება არასოდეს გამართავს მოლაპარაკებებს ტერორისტებთან. ჩვენ დიალოგი დონეცკისა და ლუგანსკის ლეგიტიმურად არჩეულ წარმომადგენლებთან გვსურს. ეს არის ჩვენი საერთო მიზანი და ამოცანა. გვინდა, რომ იქ თავისუფალი და გამჭვირვალე არჩევნები ჩავატაროთ" - განაცხადა უკრაინის პრემიერმა.

როგორც ცნობილია, უკრაინის ხელისუფლება კონსტიტუციის რეფორმირებაზე მუშაობს, რომლის მიხედვითად დონეცკისა და ლუგანსკის რეგიონების სტატუსების განსაზღვრა და მმართველობის არჩევა უნდა მოხდეს.