ბლუზის მეფედ აღიარებული, ამერიკელი მომღერლის, ბი ბი კინგის შვილებს მამის ბუნებრივი სიკვდილით გარდაცვალების არ სჯერათ. მათი თქმით, კინგი მისმა პირადმა მენეჯერმა ლავერტ ტონიმ და თანაშემწემ მაირონ ჯონსონმა მოწამლეს.

პოლიციამ საქმე წარმოებაში უკვე მიიღო და განმეორებითი ექსპერტიზის ჩატარება მოითხოვა.

ბი ბი კინგი 14 მაისს, ლას ვეგასში 89 წლის ასაკში გარდაიცვალა.

გამოცემა, Associated Press-ის ინფორმაციით, მუსიკოსი 6 აპრილს საავადმყოფოში მოათავსეს, თუმცა ორ დღეში გაწერეს. დიაბეტის გამო მას ორგანიზმის დეჰიდრატაცია დაუდგინდა.

კინგის ადვოკატის განცხადებით, „ბლუზის მეფე“ საკუთარ სახლში, ძილში გარდაიცვალა.

ბი ბი კინგი ერთერთი ყველაზე ცნობილი ბლუზის ავტორ-შემსრულებელია, რომელსაც რამდენიმე გრემი აქვს აღებული.

2011 წელს, ამერიკულმა ჟურნალმა Rolling Stone-მა უდიდეს გიტარისტთა სიაში მე-6 ადგილზე დაასახელა.