უკრაინის პრეზიდენტმა, პეტრო პოროშენკომ ქვეყნის ეროვნული უსაფრთხოების სტრატეგია დაამტკიცა.

უკრაინის თავდაცვის უწყების მიერ მომზადებულ დოკუმენტში მთავარ პრიორიტეტად - ტერიტორიული მთლიანობის აღდგენა სახელდება. სტრატეგიულ ამოცანად კი ქვეყნის ნატოში გაწევრიანება რჩება.

დოკუმენტის თანახმად, ნატოსა და ევროკავშირთან სამხედრო თანმშრომლობის საფუძველზე უკრაინის თავდაცვისუნარიანობის გაზრდა იგეგმება. დოკუმენტში ხაზგასმულია, რომ ევროკავშირთან ასოცირების ხელშეკრულების გაფორმება, ქვეყნის ორიენტაციის განმსაზღვრელია.