გამოცემა „ნიუსვიკი“ სამხრეთ ოსეთთან დაკავშირებით რუსეთის პოლიტიკაზე წერს.

„მაშინ, როცა არავინ ხედავს, პუტინი სამხრეთ ოსეთს შთანთქავს"- ამ სათაურით აქვეყნებს გამოცემა სტატიას ვლადიმერ პუტინის პოლიტიკის შესახებ.

სტატიის მიხედვით, მაშინ როცა მედია აქტიურად აშუქებდა რუსეთის მიერ ყირიმის ანექსიის წლისთავს, იმავე დღეს, პუტინმა სამხრეთ ოსეთთან ე.წ. ხელშეკრულების გაფორმებით, რუსეთის ტერიტორია კიდევ უფრო გააფართოვა.

ავტორის თქმით, ეს ფაქტი ევროკავშირმა დაგმო, თუმცა რეალური სარგებლი ქართველებისთვის არ შეუთავაზებია. რის მაგალითად, სავიზო რეჟიმთან დაკავშირებით რიგის სამიტის გადაწყვეტილება მოჰყავს.