უწმინდესი გაერო-ს განვითარების პროგრამის ადმინისტრატორს საქართველოს უძველესი კულტურისა და საქართველოს მართლმადიდებელი ეკლესიის შესახებ ესაუბრა. უწმინდესის განაცხადა, რომ საქართველო იმყოფება გარდამავალ პერიოდში და ხალხი იმედის თვალით უყურებს მომავალს.

"ჩვენი დიდი სურვილია, საქართველო გახდეს ევროპული სტრუქტურების ნაწილი, მჭიდრო კავშირი ჰქონდეს გაერო-სთან, ევროპის სტრუქტურებთან. ჩვენ იმედით ვუყურებთ თქვენს ვიზიტს და ვფიქრობთ, რომ ეს ხელს შეუწყობს საქართველოს ეკონომიკურ-პოლიტიკურ განვითარებას. ჩვენთვის ძალიან მძიმეა ის ფაქტი, რომ არ არის აღდგენილი ტერიტორიული მთლიანობა. აფხაზეთი და ცხინვალი – ეს არის ღია ჭრილობა საქართველოსი. ჩვენ იმედი გვაქვს, რომ წართმეული ტერიტორიები კვლავ დაბრუნდება. როგორც აფხაზეთი, ასევე ცხინვალის რეგიონი არის ძირძველი ტერიტორია საქართველოსი", - ბრძანა სრულიად საქართველოს კათოლიკოს-პატრიარქმა.

ჰელენ კლარკის განაცხადა - "თქვენ ქართველი ხალხის სულიერი ლიდერი ხართ. მნიშვნელოვანია, რომ შიდა დაპირისპირებები დიალოგის გზით მოგვარდეს. როგორც ჩვენთვის არის ცნობილი, თქვენ პოლიტიკურ პარტიებს ამისკენ მუწოდებთ. ჩვენ აღფრთოვანებული ვართ იმ წარმატებებით, რასაც ქართველი ხალხი ამ გარდამავალ პერიოდში აღწევს", - აღნიშნა ჰელენ კლარკმა.

კლარკის თქმით, ქვეყანაში სოფლის მეურნეობის განვითარების დიდი პოტენციალი არსებობს. მან იმედი გამოთქვა, რომ პოლიტიკოსები ისეთ მნიშვნელოვან საკითხზე გადაიტანენ ყურადღებას, როგორიც სოფლის მეურნეობაა.