მექსიკაში, ძლიერი ტორნადოს შედეგად 13 ადამიანი დაიღუპა. დაკარგულად ითვლება 30-დე ადამიანი, მათ შრის ერთი 3 თვის ბავშვია. გავრცელებული ინფორმაციით, ძლიერმა ქარმა ჩვილი დედას ხელიდან გამოგლიჯა.

ტორნადომ, აშშ-ის საზღვართან ახლოს მდებარე კოაუილას შტატს გადაუარა.

სტიქიამ ასობით საცხოვრებელი სახლი დაანგრია, გაანადგურა მაგისტრალები და ელექტროგადამცემი სადენები, მოგლიჯა ხეები.

ადგილობრივი მოსახლეობის განცხადებით, ქუჩების ხეებისა და დამტვრეული მანქანებისგან გათავისუფლების მცდელობისას, ადამიანების ცხედრებს მიაგნეს.

არსებობს ვარაუდი, რომ მსხვერპლის რაოდენობა გაიზრდება.

პარალელურად, წყალდიდობას ებრძვიან აშშ-ში. სტიქიის შედეგად ტეხასისა და ოკლაჰომას შტატებში 3 ადამიანი დაიღუპა.