გურჯაანის რაიონის სოფელ ველისციხეში ყოფილი პოლიციელი, სოსო ასიტაშვილი დაჭრეს. დაზარალებულს ჭრილობები მუცლისა და გულ-მკერდის არეში ჰქონდა მიყენებული. მას სასწრაფო ოპერაცია გურჯაანის რაიონულ საავადმყოფოში ჩაუტარდა.

ექიმების თქმით, დაზარალებულის მდგომარეობა სტაბილურია, თუმცა, საფრთხე ჯერაც არსებობს. სისხლიანი ანგარიშსწორების მიზეზად თანასოფლელები დანაშაულში ეჭვმიტანილსა და ყოფილ პოლიციელს შორის ძველ წყენას ასახელებენ.

ეჭვმიტანილი დაკავებულია.საქმეს გურჯაანის პოლიციის სამმართველო იძიებს.