შინაგან საქმეთა მინისტრი ვახტანგ გომელაური სოფელ ქარქუსაანიდან გია სოლოშვილის გატაცებას ეხმაურება.

მისი თქმით, ქართული მხარე აქტიურად მუშაობს და მას იმედი აქვს, რომ გატაცებული ოჯახს მალე დაუბრუნდება.

"ეს პრობლემა არ დამდგარა არც დღეს და არც გუშინ, უკვე წლებია ხდება ადამიანების გატაცება. ახლა მუშაობენ, ჩვენი ანალიტიკური სამსახურია ჩართული, ასევე არა მარტო ჩვენი სამინისტრო, დღესაც გაიმართა ერგნეთში მოლაპარაკებები და იმედია გადმოგვცემენ ჩვენს მოქალაქეებს", - განაცხადა ვახტანგ გომელაურმა.

დუშეთის რაიონის სოფელ ქარქუსაანიდან, რომელიც საოკუპაციო ზოლთან მდებარეობს, გია სოლოშვილი ორი დღის წინ გაიტაცეს.