შს მინისტრი ვახტანგ გომელაური ამბობს, რომ თენგო ერისთავის დაკავების დროს პოლიციელების მხრიდან ადგილი ჰქონდა პროცედურულ დარღვევებს.

მისი თქმით, სწორედ ამ მიზეზით გათავისუფლდა სასამართლო დარბაზიდან ერისთავი.

„როგორც ადვოკატები აცხადებენ, მას ჩაუდეს ნარკოტიკი. სასამართლომ ის იქიდან გამომდინარე გაათავისუფლა, რომ იყო პროცედურული დარღვევები დაკავების დროს. რაც შეეხება იმას, ჩაუდეს თუ არა მას ნარკოტიკი - ამ საკითხზე პროკურატურაში გამოძიება მიმდინარეობს. თუ დადასტურდება რა თქმა უნდა დაისჯებიან ეს პოლიციელები, მაგრამ შემიძლია ვთქვა, ეს არ მომხდარა", - განაცხადა გომელაურმა.

შეგახსენებთ, თენგო ერისთავი რამდენიმე თვის წინ ნარკოტიკის შენახვა-შეძენის ბრალდებით დააკავეს.