დიდი ბრიტანეთის პრემიერ-მინისტრის, დევიდ კემერონის განცხადებით, მინისტრებს ხელფასები 2020 წლამდე გაეყინებათ. ამის შესახებ გამოცემა - Sunday Times იტყობინება. პრემიერის თქმით, სახელმწიფოს დავალიანების გადახდაში მონაწილეობა ყველამ უნდა მიიღოს.

გამოცემის თანახმად, მინისტრებისთვის ხელფასის გაყინვა წელიწადში 800 ათასი ფუნტ სტერლინგს დაზოგავს, რაც მილიონ 239 ათას აშშ დოლარს უდრის.
ბრიტანელი მინისტრების ხელფასი 2010 წლიდან არ გაზრდილა და წელიწადში 134 565 ფუნტს შეადგენს, რაც 208 000 აშშ დოლარის ექვივალენტია. პრემიერ-მინისტრის წლიური ხელფასი კი 142 500 ფუნტია( 220 ათასი აშშ დოლარი).
აღსანიშნავია, რომ დიდი ბრიტანეთის პარლამენტის ეთიკის კომისიის დასკვნის თანახმად. დეპუტატებს ხელფასი 9 %-ით უნდა მოემატოს. თუმცა, ბრიტანეთის მთავრობამ ცალსახად მიანიშნა, რომ კომისიის გადაწყვეტილებას არ ეთანხმება.