რადიკალური ისლამისტური დაჯგუფება „ისლამური სახელმწიფოს“ ბოევიკებმა პალმირაში 400-ზე მეტი ადამიანი სიკვდილით დასაჯეს. მათ შორის უმრავლესობა ქალები და ბავშვები არიან. ინფორმაციას, სირიის სახელმწიფო ტელევიზია ავრცელებს.

„როიტერის“ ინფორმაციით, ოპოზიციის წარმომადგენლების განცხადებით, მას შემდეგ რაც ჯიჰადისტებმა პალმირაზე კონტროლი დაამყარეს, ქუჩა ადამიანების გვამებით არის მოფენილი.

სირიის უძველესი ქალაქი პალმირა , რომელიც იუნესკოს კულტურული მემკვიდრეობის ნუსხაში შედის და მის ტერიტორიაზე მრავალი მსოფლიოში ცნობილი ისტორიული ძეგლი მდებარეობს „ისლამური სახელმწიფოს“ ბოევიკებმა რამდენიმე დღის წინ დაიკავე. არსებობს საფრთხე, რომ პალმირა იმავე ბედს გაიზიარებს, რაც ერაყის რამდენიმე ისტორიულმა ძეგლმა, რომლებიც ჯიჰადისტებმა გაანადგურეს.