რუსეთის პრეზიდენტმა ვლადიმერ პუტინმა ხელი მოაწერა კანონს, რომელიც რუსეთში არასასურველ უცხოურ და საერთაშორისო ორგანიზაციებს სასამართლო გადაწყვეტილების გარეშე საქმიანობას უკრძალავს.

დოკუმენტის თანახმად, პროკურატურას უფლება აქვს, საგარეო უწყების თანხმობის შემდეგ, მსგავსი არასამთავრობო ორგანიზაციების მუშაობა შეაჩეროს.

კანონი არასასურველ ორგანიზაციებთან თანამშრომლობისთვის პასუხისმგებლობასაც ითვალისწინებს.

ვლადიმერ პუტინის გადაწყვეტილება უკვე გააკრიტიკა დასავლეთმა. აშშ სახელმწიფო დეპარტამენტმა რუსეთს სიტყვის თავისუფლების პატივისცემისკენ მოუწოდა.