ირლანდიაში ერთსქესიანთა ქორწინების დაკანონებაზე რეფერენდუმი მიმდინარეობს.

თუკი, მოსახლეობის უმრავლესობამ დაკანონებაზე თანხმობა განაცხადა, ირლანდია პირველი ქვეყანა იქნება, სადაც ერთსქესიანთა ქორწინება რეფერენდუმით დაკანონდება.

მსგავსი რეფერენდუმი ხორვატიასა და სლოვაკეთშიც ჩატარდა. თუმცა, ხორვატიაში მოსახლეობის უმრავლესობამ უარყოფითი პასუხი დააფიქსირა, სლოვაკეთში კი ამომრჩეველთა დაბალი აქტივობის გამო, რეფერენდუმი ჩაშლილად გამოცხადდა.

ერთსქესიანთა ქორწინებას ირლანდიის კათოლიკური ეკლესია ეწინააღმდეგება და იმ შემთხვევაში, თუკი მოსახლეობის უმრავლესობამ დადებითი პასუხი დააფიქსირა, ერთსქესიანთა სამოქალაქო ქორწინება დაკანონდება და არა ეკლესიური.

აღსანიშნავია, რომ რეფერენდუმს მხარს უჭერენ პოლიტიკური პარტიები და თავად პრემიერ მინისტრიც. მისი თქმით, ეს ადამიანები ჩრდილში იმყოფებიან და მძიმე ტვირთით ცხოვრებენ.

„იმედი მაქვს რეფერენდუმის შედეგებით ეს ყველაფერი შეიცვლება“ - განაცხადა ენდა კენნიმ.

რეფერენდუმის შედეგები შაბათს გახდება ცნობილი.