ევროსაბჭოს პრეზიდენტ, დონალდ ტუსკსა და აზერბაიჯანის ლიდერ, ილჰამ ალიევს შორის სატელეფონი საუბარი შედგა.

ტუსკის განცხადებით, ალიევს მან თავად დაურეკა და ბაქოში, საცხოვრებელი სახლში გაჩენილი ხანძრის შედეგად დაღუპულთა გამო მწუხარება გამოთქვა.

სატელეფონო საუბრისას მხარეებმა ევროკავშირსა და აზერბაიჯანს შორის არსებული საკითხები განიხილეს. აზერბაიჯანის პრეზიდენტის წარმოამდგენლის განცხადებით, საუბრისას აღინიშნა, რომ ეს ურთიერთობები აგებულია მყარ საფუძველზე და წარმატებით ვითარდება როგორც პოლიტიკურ, ასევე ეკონომიკურ, ენერგეტიკულ, სატრანსპორტო და სხვა სფეროებში.

გავრცელებული ინფორმაციით, ალიევმა ტუსკი აზერბაიჯანში ოფიციალური ვიზიტით მიიწვია, ევროსაბჭოს პრეზიდენტმა კი მიწვევაზე თანხმობა განაცხადა.

შეგახსენებთ, რიგის „აღმოსავლეთ პარტნიორობის“ სამიტს აზერბაიჯანის პრეზიდენტი არ ესწრება.