საკულტო სერიალის, "სამეფო კარის თამაშების" თამაშების მსახიობები პიტერ დინკლეიჯი (ტირიონი) და ნიკოლას კოსტერ ვალდაუ (ჯეიმი ლანისტერი), მიუსაფარი და შშმ ბავშვებისთვის საქველმოქმედო აქციის "წითელი ცხვირის დღის"(Red Nose Day) ფარგლებში ამღერდნენ.

"ტირიონის" სიმღერა სერიალში დაღუპულ გმირებს ეძღვნება. მან რობერტ და ჯოფრი ბარათეონებს, ნედ და რობ სტარკებს უმღერა.

რაც შეეხება "ჯეიმი ლანისტერს", ის საკუთარ ტყუპისცალ დას სერსეის უმღერის.

სოციალურ ქსელში მუსიკალური ჯგუფის Coldplay-ისა და "სამეფო კარის თამაშების" მსახიობების დუეტის ანონსიც ვრცელდება.

"წითელი ცხვირის დღე" ამერიკის შეერთებულ შტატებში წელს პირველად აღინიშნება. პირველი ასეთი აქცია დიდ ბრიტანეთში 1988 წელს ჩატარდა.