ათი წლის წინ, კალიფორნიელი რეიჩელ ფეროქი ლამაზი, აქტიური და ჯანმრთელი ქალი იყო. დღეს კი 37 წლის რეიჩელი მწვავე ანორექსიას ებრძვის.

„მინდა ისეთივე ბედნიერი, ჯანმრთელი ძლიერი და თავისუფალი ქალი ვიყო. ახლა ფეხზე დგომაც კი არ შემიძლია. ეს კოშმარია“ - ამბობს რეიჩელი.

მისი თქმით, მას ჯანმრთელობის პრობლემები ჰქონდა, რამაც წონის მკვეთრი ვარდნა და ანორექსიის პროვოცირება გამოიწვია.

„ათი წელია ამ საშინელებას ვებრძვი და არ ვნებდები. ყველას, ვისაც მსგავსი პრობლემა აწუხებს მოვუწოდებ, არ დანებდნენ. ჩვენ შეგვიძლია ნორმალური ცხოვრების რიტმს დავუბრუნდეთ. გოგონებს კი, რომლებიც სხეულის სასურველი ფორმების მისაღწევად შიმშლობენ ვთხოვ, ამას ნუ გააკეთებენ. უწყინარი დიეტით მათ შესაძლოა ცხოვრება დაიმახინჯონ“ - აცხადებს რეიჩელი ABC News-სთან ინტერვიუში.