მთავარი პროკურორის მოადგილე გიორგი გოგაძე არ ეთანხმება უჩა ნანუაშვილის მოსაზრებას, რომ ე.წ. კაბელების საქმეზე პროცესები არასწორად მიმდინარეობს.

ამის შესახებ გოგაძემ ჟურნალისტებთან საუბრისას განაცხადა.

„ვერანაირ ვერ დავეთანხმები ბატონ უჩას, რომ რაიმე არასწორად მიმდინარეობს კაბელების საქმეზე. სასამართლო პროცესები უკვე დაწყებულია. პროკურატურის მხრიდან ნებისმიერ არასწორ ქმედებაზე სასამართლო მოახდენს რეაგირებას“, - განაცხადა გოგაძემ.

სახალხო დამცველის ანგარიშში საუბარია ყოფილი მაღალჩინოსნების მიმართ გაჭიანურებულ და გამოუძიებელ საქმეებზე, მათ შორის არის ნახსენები ე.წ. კაბელების საქმეც.