აგვისტოს ომზე დასავლეთის სუსტმა რეაგირებამ პუტინი წააქეზა

აგვისტოს ომზე დასავლეთის სუსტმა რეაგირებამ პუტინი წააქეზა - მეთიუ ბრაიზა

მსოფლიო - 16:04, 21 May, 2015

682

აშშ-ის სახელმწიფო მდივნის ყოფილი მეორე მოადგილე, მეთიუ ბრაიზა „ამერიკის ხმასთან“ ინტერვიუში საქართველო-ამერიკის ურთიერთობებსა და ქვეყანაში მიმდინარე პროცესებზე საუბრობს. სტატიას „რადიო თავისუფლება“ აქვეყნებს. ბრაიზას თქმით, ჯერ კიდევ მიხეილ სააკაშვილის გაპრეზიდენტებამდე, როდესაც სააკაშვილი, ზურაბ ჟვანია და ნინო ბურჯანაძე სათავეში ჩაუდგნენ ქართველი ხალხს შეერთებულ შტატებს მტკიცედ სჯეროდა, რომ ადამიანები, რომლებიც ხელისუფლებაში მოსასვლელად ემზადებოდნენ, რეფორმატორთა ერთგვარი „ოცნების გუნდი“ იყო. მისივე თქმით, 2012 წლის ოქტობრის არჩევნებმა აჩვენა, რომ ქართველი ხალხის აზრით, სააკაშვილი და მისი გუნდი საკმარისად კარგად არ მუშაობდნენ. ამიტომ, როგორც "ვარდების რევოლუციისას" დაწყებული რეფორმების გაგრძელება, ჩატარდა თავისუფალი და სამართლიანი არჩევნები და მოხდა პოლიტიკური ძალაუფლების მშვიდობიანი გადაბარება.
„პრეზიდენტი სააკაშვილი და მისი გუნდი ქების ღირსია. უნდა ვაღიაროთ, რომ ქართველი ხალხის ნების შესაბამისად ძალაუფლების მშვიდობიანი დათმობა საქართველოში მომხდარი დემოკრატიული ევოლუციის ნაწილი იყო. ეს იყო ძალიან დადებითი მოვლენა. ქართველ ხალხს სურდა ცვლილება, რომელიც მან მიიღო“ - აცხადებს ბრაიზა.
საქართველო-რუსეთის ურთიერთობაზე საუბრისას, მეთიუ ბრაიზამ განაცხადა, რომ აგვისტოს ომზე დასავლეთის სუსტმა რეაგირებამ პუტინი წააქეზა, უკრაინას დასხმოდა თავს და ყირიმის ანექსია მოეხდინა.
„რუსეთი დიდი, ძლიერი სახელმწიფოა, რომელსაც გონიერი ლიდერი ჰყავს. ეს ლიდერი კი ხელმძღვანელობს არა ემოციებით, არამედ ცივი გონებითა და გათვლებით. როდესაც მისი მოქმედებების საფასური მეტისმეტად გაიზრდება, ის გაჩერდება და უკან დაიხევს. ის კუთხეში მიმწყვდეული ნადირი, ან დათვი არ არის. ის ადამიანია, რომელიც რაციონალურად აზროვნებს. საქართველოსთან ომზე დასავლეთის სუსტმა რეაქციამ კი რუსეთი ყირიმის ანექსიისკენ წააქეზა“ - აღნიშნა ბრაიზამ. მისი თქმით, საქართველსა და ურკაინის მაგალითებიდან გამომდინარე, ბალტიისპირელებს შეშფოთების საკმარისი მიზეზი აქვთ, თუმცა ნატო მათ დასაცავად მზად არის. ბრაიზას თქმით, რუსეთმა გარკვევით უნდა გაიგოს, რომ ბალტიისპირეთში ჰიბრიდული ომის წამოწყებაც კი ნატოსთან ფართომასშტაბიანი ომის წამოწყებას ნიშნავს.