გერმანიის კანცლერის, ანგელა მერკელის განცხადებით, „დიდი რვიანის“ სამიტის ძველი ფორმატით ჩატარება შეუძლებელია, რადგან რუსეთი უკრაინაში საერთაშორისო სამართლის პრინციპებს კვლავ არღვევს.

„უკრაინის მოვლენების გამო შემდეგი შეხვერდა „დიდი შვიდეული“ იქნება და არა „რვიანი“- განაცხადა მერკელმა ბუნდესტაგში გამოსვლისას.

მისი თქმით, „დიდი შვიდეული“ საზოგადოების საერთო ღირებულებების, მათ შორის დემოკრატიასა და კანონის უზენაესობას ემსახურება, უკრაინაში რუსეთის ქმედებები კი სამიტის ღირებულებების შესაბამისობაში არ მოდის.

2014 წლის მარტში, ყირიმის მოვლენების გამო აშშ-ის, ბრიტანეთის, საფრანგეთის, გერმანიის, იაპონიის, იტალიისა და კანადის ლიდერები, 1996 წლის შემდეგ პირველად რუსეთის გარეშე შეიკრიბნენ.