ორი დღის წინ, რუსთავში დატრიალებულმა ტრაგედიამ კიდევ ერთხელ შეძრა ქვეყანა. სასტიკად მოკლული 23 წლის გვანცა კილაძე მეგობარმა გოგონამ მეგობრობის გამზირზე მდებარე კორპუსის ერთ-ერთ ბინაში იპოვა. ქალიშვილს დანით ყელისა და გულმკერდის არეში 14 ჭრილობა ჰქონდა მიყენებული.

იმ კორპუსის მცხოვრებლები, სადაც გვანცა ცხოვრობდა, „კვირის პალიტრასთან“ საუბარში ერთადერთ ვერსიაზე ლაპარაკობენ და ყვებიან, რომ მკვლელობაში ეჭვმიტანილ, გიორგი მჭედლიშვილს, გარდაცვლილი გვანცა კილაძე უყვარდა.

„ამბობენ, რომ იმ საბედსიწერო დღეს ბიჭს გვანცას დაქალისთვის მის ბინაში გვანცას მიყვანა უთხოვია, უთქვამას, რომ ნაჩხუბრები იყვნენ და უნდოდა შერიგებოდა. დაქალს მისი თხოვნა შეუსრულებია, როცა დათქმულ ადგილას მივიდნენ, როგორც ჩანს, გვანცას მეგობარმა წყვილი სალაპარაკოდ მარტო დაუტოვა, თვითონ კი მაღაზიაში ჩავიდა. გოგონა მალევე აბრუნდა ბინაში, სადაც საშინელი სურათი დახვდა, სასიკვდილოდ დაჭრილი გვანცა სისხლში ცურავდა. ამის შემხედვარე ისტერიკაში ჩავარადა თურმე, მის კივილიზე მთელი კორუსი გარეთ გამოსულ, გარდაცვლილის მეგობარი გოგონა ისეთ შოკში იყო, რომ მისი საავადმყოფოში გადაყვანა გახდა საჭირო...საშინელბა ტრიალებს გვანცას ოჯახში, დედამისი ტირის და მოსთქვამს - "გასეირნება მთხოვე და გაგიშვიო!"- რას იფიქრებდა საწყალი ქალი, რომ შვილს მეტად ვეღარ იხილავდა“, - ამბობს გარდაცვლილის მეზობელი.

წყარო: კვირის პალიტრა