უკრაინაში ტყვედ ჩავარდნილი რუსი ჯარისკაცები ყოფილი სამხედროები არიან. უკრაინის გენშტაბის ხელმძღვანელის, ვიქტორ მუჟენკოს ინფორმაციით, დაკავებულთა ჩვენებების თანახმად, კაპიტანი ევგენი ეროფეევი და სერჟანტი ალექსანდრ ალექსანდროვი გრუ-ს სპეცრაზმის მესამე ბრიგადის მოსამსახურეები არიან, რომელიც ქალაქ ტოლიატიშია დისლოცირებული. ამჟმად დაკავებულები კიევის ცენტრალურ სამხედრო ჰოსპიტალში იმყოფებიან.

აღნიშნულ ფაქტთან დაკავშირებით რუსეთის პრეზიდენტის პრესმდივნმა, დიმიტრი პესკოვმა განაცხადა, რომ დონბასში რუსი ჯარისკაცები არ იმყოფებიან და კრემლი ვალდებული არ არის ყველა ჭორზე კომენტარი გააკეთოს.

თმცა, რუსეთის თავდაცვის სამინისტრომ დაკავებულთა ვინაობა დაადასტურა და აღნიშნა, რომ ისინი შეიარაღებულ ძალებში აღარ მსახურობდნენ და უკრაინაში მოხალისეებად იმყოფებოდნენ.