დადებითი ემოციები, საინტერესო გართობა - ეს ისაა, რაც მატერიალური საშუალების გარდა სოციალურად დაუცველ და თავშესაფრებში მცხოვრებ ბავშვებს აკლიათ. ამიტომ გასართობმა ცენტრმა "ასტრა პარკმა" დაიწყო თანამშრომლობა ფონდ "იავნანასთან" იმისთვის, რომ ფონდში აღრიცხვაზე მყოფი ბავშვების გახალისებაში პატარა წვლილი შეეტანა. ამჯერად „ასტრა პარკში“ იუსტიციის სამინისტროს მედიაციის სახლის ახალგაზრდული კლუბის 10 ბენეფიციარი გაერთო. კერძოდ, შერეული ჯგუფი სოციალურად დაუცველი ბავშვებისგან, საოჯახო ტიპის სახლების აღსაზრდელებისგან და მედიაციის სახლის სხვა ბენეფიციარებისგან შედგებოდა.

„ასტრა პარკის“ სტუმრებმა კარტინგში შეეჯიბრნენ ერთმანეთს, ვიდეო სათამაშო აპარატებით და სამაგიდო თამაშებით გაერთნენ. დღის ბოლოს კი ბავშვებმა 7D კინოთეატრში სუპერთანამედროვე ეფექტებით ფილმი „წყალქვეშა გემი“ ნახეს.

შეგახსენებთ, რომ გასართობი ცენტრი „ასტრა პარკი“ და ფონდი „იავნანა“ საქველმოქმედო აქციებს თვეში ორჯერ, ყოველ მეორე ორშაბათს ატარებს.