რუსეთის პრეზიდენტის პრესმდივნის, დიმიტრი პესკოვის განცხადებით, კრემლი ვალდებული არ არის ყველა ჭორზე კომენტარი გააკეთოს. აღნიშნული განცხადება პესკოვმა, უკრაინაში რუსეთის დაზვერვის ოფიცრების დაკავებასთან დაკავშირებით გააკეთა.

„ეს თემა პრეზიდენტის ადმინისტრაციას არ ეხება და ამ კითხვით ჩვენ არ უნდა მოგვმართოთ. არაერთხელ გვითქვამს და ვიმეორებთ, რომ დონბასში რუსი ჯარისკაცები არ იმყოფებიან“ - განაცხადა პესკოვმა.

შეგახსენებთ, უკრაინის ანტიტერორისტული ოპერაციების პრესცენტრის ხელმძღვანელის, ანდრეი ლისენკოს განცხადებით, უკრაინაში რუსეთის მთავარი სადაზვერვო განყოფილების ორი აგენტი დააკავეს.