ნატოს გენერალური მდივნის მოადგილის, ალექსანდრ ვერშბოუს განცხადებით, თუკი რუსეთი მინსკის შეთანხმებით დაკისრებულ ვალდებულებებს არ შეასრულებს, მას დამატებითი სანქციები და საერთაშორისო იზოლაცია ემუქრება.

ვერშბოუს თქმით, იმის ფონზე, რომ რუსეთი უკრაინის კონფლიქტში მონაწილეობას უარყოფს, ნაკლებად სავარაუდოა მინსკის ხელშეკრულება შეასრულოს.

შეგახსენებთ, მოსკოვში ოფოციალური ვიზიტით, სახელმწიფო მდივნის თანაშემწე ევროპისა და აზიის საკითხებში, ვიქტორია ნულანდი იმყოფება, რომელიც რუს მაღალჩინოსნებთან სავარაუდოდ მინსკის ხელშეკრულების შესრულების პირობებსა და აღმოსავლეთ უკრაინის კონფლიქტსაც განიხილავს.