ამ წუთებში ოზურგეთის საპატრულო პოლიციამ დაკავებული "ნაციონალები" დავით მჟავანაძე და ბესიკ ქათამაძე გაანთავისუფლა.
ორივე დაკავებული პარტიის ოზურგეთის ოფისშია.
ამის შესახებ "ნიუპოსტს" "ნაციონალური მოძრაობის" ერთ-ერთმა ადგილობრივმა ლიდერმა, ოთარ რევიშვილმა აცნობა.
"ენმ" ისა და "თავისუფალი ზონის" ადგილობრივი ლიდერები, ოზურგეთის საპატრულო პოლიციამ, დღეს, 12 საათზე, ქალაქ ოზურგეთში, მაშინ დააკავა, როცა ისინი ქუჩებში აკრავდნენ სტიკერებს გურიის ახალი გუბერნატორის, გია სალუქვაძის გამოსახულებით, რომელზეც იყო წარწერა :"მოარიდეთ ბავშვებს".
ირაკლი ღარიბაშვილი გურიას დღეს დილიდან სტუმრობდა.
პირველად მან ჩოხატაური, შემდეგ კი ოზურგეთი მოინახულა და რამდენიმე საწარმო ანასეულსა და სოფელ გურიანთაში, დაათვალიერა.
ღარიბაშვილმა ოზურგეთი ერთი საათის წინ დატოვა.
თეა იოსელიანი, გურია
მასალის გამოყენების პირობები






