თბილისის საქალაქო სასამართლოში გიგი უგულავას სასამართლო პროცესი გაიმართება. პროცესზე თბილისის განვითარების ფონდის საქმეზე იმსჯელებენ.

მოხდება ბრალდების მხარის მტკიცებულებათა გამოკვლევა, ასევე პროკურატურის მოწმეების დაკითხვა.

დაცვის მხარე საქმეს პოლიტიკურად მოტივირებულს უწოდებს. მათი თქმით, საქმეში უგულავას ბრალეულობა არ იკვეთება.

უგულავას აღნიშნულ საქმეზე სამსახურებრივი მდგომარეობის გამოყენებით, თბილისის განვითარების ფონდისთვის გამოყოფილი დიდი ოდენობით საბიუჯეტო სახსრების გაფლანგვა ედება ბრალად.