რამდენიმე დღის წინ ნარკოტიკული ნივთიერების შეძენა-შენახვის ბრალდებით დაკავებულ გიორგი გუდაძეს სასამართლომ ორთვიანი პატიმრობა შეუფარდა. მოასართლემ პროკურორის მოთხოვნა დააკმაყოფილა, რომელიც ამბობდა, რომ მტკიცებულებების მიხედვით არსებობდა გუდაძის მხრიდან მიმალვის საფრთხე. თავად გიორგი გუდაძე ბრალდებას უარყოფს.

„როდესაც ბორკილების დადება დამიწყეს, ვკითხე რატომ მადებდნენ ბორკილებს. ამის შემდეგ ვერცხლისფერ ქაღალდში გახვეული რაღაც დამანახა და მითხრა - ეს შენ მარჯვენა ჯიბეში გედოო. ვუთხარი, რომ ის მე არ მეკუთვნოდა. დავით კიკნაძე, რომელიც არის კრიმინალი სამმართველოს, თუ არ ვცდები, რომელიღაც განყოფილების უფროსი, მისი მოადგილე მაისურაძე, ასევე ბუხრაშვილი, კასრაძე და ბესელია მე და ჩემ მეგობრებს გვდევნიან და გვემუქრებიან ციხეში გაშვებით“, - განაცხადა გუდაძემ.

დაცვის მხარე მოსამართლის გადაწყვეტილების გასაჩივრებას გეგმავს.

გუდაძე სამართალდამცავებმა ნარკოტიკული ნივთიერების შეძენა-შენახვის ბრალდებით რამდენიმე დღის წინ დააკავეს.