სოციოლოგიური კვლევითი ცენტრის - "პიუს" მიერ გამოქვეყნებული ანგარიშის მიხედვით, აშშ-ში ქრისტიანების რაოდენობა შემცირდა.

მიუხედავად იმისა, რომ აშშ-ში ქრისტიანობა კვლავ დომინანტ რელიგიას წარმოადგენს, ქვეყანაში ათეისტების რაოდენობა გაიზარდა.

კვლევის თანახმად, ქრისტიანს თავს გამოკითხულთა 71 პროცენტი უწოდებს, მაშინ, როდესაც 2007 წელს ეს მაჩვენებელი 78 პროცენტს შეადგენდა. მათი რაოდენობა, ვინც თავს არცერთ რელიგიას არ მიაკუთვნებს 16- დან 23 პროცენტამდე გაიზარდა.