ჰოლივუდის ოსკაროსანი მსახიობი, მორგან ფრიმენი მარიხუანას ლეგალიზაციის ინიციატივით გამოდის.

მსახიობის თქმით, 2008 წლის ავტოავარიის შემდეგ ის მარიხუანას სამედიცინო მიზნით მოიხმარს.

„მისი გამოყენება ბევრი სასარგებლი მიზნისთვის შეიძლება“ - განაცხადა მსახიობმა და დასძინა, რომ მას მკლავის არეში ფიბრომიალგიის ტკივილები აწუხებს, რომლის გაყუჩებაც მხოლოდ მარიხუანას შეუძლია.

„როგორ ვიღებ მას? როგორც შემიძილია. ვჭამ, ვსვამ, ვეწევი“ - განაცხადა ფრიმენმა.

2008 წელს ოსკაროსანი მსახიობი ავტოავარაიაში მოყვა. რთული ქირურგიული ჩარევის შემდეგ მას მკლავის ნერვები აღუდგინეს, თუმცა მარცხენა ხელის სრულად გამოყენებას ვერ ახერხებს.

„არიან ბავშვები, რომლებიც ეპილეფსიისგან იტანჯებიან და აღმოჩნდა, რომ მარიხუანას გამოყენებით, მათ ცხოვრების შემსუბუქება შეუძლიათ. მათ ამის უფლება აქვთ. უფლებას ვაძლევ საკუთრ თავს ვთქვა, რომ ლეგალიზაცია მხოლოდ აშშ-ში არ უნდა მოხდეს" - აღნიშნა მსახიობმა.

ფრიმენის თქმით, ლეგალიზაციის მომხრე მოძრაობა დიდი ხანია დაიძრა, თუმცა ძალიან ნელა გადაადგილდება.

აღსანიშნავია, რომ პრეპარატი სამკურნალო და რეკრეაციული მიზნებისთვის აშშ-ის ოთხ შტატში - ვაშნგტონში, ორეგონში, კოლორადოსა და ალასკაზე უკვე დაკანონდა.