რუსეთის პრეზიდენტის, ვლადიმერ პუტინის განცხადებით, ამ ეტაპზე გერმანია-რუსეთს შორის ურთიერთობის ცუდი ფაზაა, რაც უკრაინის მოვლენების განსხვავებული შეფასებებით არის განპირობებული.

"საიდუმლო არაა, რომ გერმანიასა და რუსეთს შორის ურთიერთობების ცუდი ფაზაა. ეს არის გამოწვეული უკრაინაში განვითარებული მოვლენების განსხვავებული ხედვით. მიმაჩნია, რომ მიუხედავად სირთულეებისა, მინსკის პროცესი მუშაობს,"-განაცხადა ვლადიმერ პუტინმა ანგელა მერკელთან შეხვედრის შემდეგ გამართულ ერთობლივ პრესკონპერენციაზე.

თავის მხრივ, გერმანიის კანცლერმა უკრაინის ტერიტორიული მთლიანობის აღდგენის აუცილებლობაზე ისაუბრა და ყირიმის ანექსიას დანაშაული უწოდა.

შეგახსენებთ, უკრაინაში განვითარებული მოვლენების გამო, ანგელა მერკელი 9 მაისს, ფაშიზმზე გამარჯვების 70-ე წლისთავს არ დასწრებია, გერმანიის კანცლერი მოსკოვში გუშინ ჩავიდა და უცნობი ჯარისკაცის საფლავს პატივი მიაგო.

ხატია ლაღიძე