საპროტესტო მსვლელობა ზუგდიდის რაიონული სასამართლოდან

საპროტესტო მსვლელობა ზუგდიდის რაიონული სასამართლოდან - ქუთაისის პარლამენტისკენ

სამართალი - 10:59, 08 May, 2015

2007

ქურდული სამყაროსთან კავშირის ბრალდებით დაკავებული - 10 პატიმრის ოჯახის წევრები, მორიგ აქციას მართავენ. აქციის მონაწილეების განცხადებით მათი ოჯახის წევრები უკანონო პატიმრობაში იმყოფებიან.

"ნიუპოსტის" ინფორმაციით, ზუგდიდის საოლქო პროკურატურასტან მყოფი აქციის მონაწილეები, ამ წუთებში ფეხით, მსვლელობას იწყებენ ქუთაისის პარლამენტისკენ, რათა მოითხოვონ ადამიანთა უფლებების დამცველისგან და პარლამენტის სხვა წევრებისგან დაკავებული პატიმრების საქმით დაინტერესება და რეაგირება. ისინი, ასევე ახალგაზრდა იურისტთა ასოციაციის წარმომადგენლებსაც მოუწოდებენ, რომ ჩაერთონ პროცესში.

დაკავებულთა ოჯახის წევრები, ზუგდიდის სასამართლოსთან ყოფნისას მოითხოვდნენ პროკურორ - გიზო უგვილავასთან შეხვედრას, თუმცა როგორც მათ დაცვამ განუცხადა, არც გიზო უგვილავა და არც პასუხისმგებელი პირი სასამართლოს შენობაში არ იმყოფებოდნენ და შესაბამისად, ვერ მიიღებდნენ მათ.
აქციის მონაწილეები მათი ახლობლების დაკავების ფაქტს აპროტესტებენ და აცხადებენ, რომ ბრალდებულებს, ნარკოტიკიც და იარაღიც პოლიციამ ჩაუდო და მათ არ ეკუთვნოდათ, პროცესზე კი ჩვენებებს აძლევენ ის პოლიციელები, რომლებიც დაკავების დროს საერთოდ არ იმყოფებოდნენ და ამას ანგარების და თანამდებობრივი დაწინაურების გამო აკეთებენ.
ზუგდიდი-თბილისის დამაკავშირებელ ცენტრალურ მაგისტრალზე სვლისას, აქციის წევრებს სენაკთან ერთ-ერთი დაკავებულის ოჯახის წევრებიც შეუერთდებიან და ისინი ერთად განაგრძობენ სვლას.

შეგახსენებთ, რომ გავრცლებული ინფორმაციით, აღნიშნული პირების დაკავებისას, ტელევიზიებმა დააფიქსირეს კადრები, რომლებიც ასახავს თუ როგორ უდებენ დაკავებულებს მარიხუანას, რა დროსაც პოლიციელებს მარიხუანას შეკვრა ძირს დაუვარდათ, რის გამოც აღნიშნული შეკვრა გაიგზავნა ექსპერტიზაზე, სადაც პოლიციელების თითის ანაბეჭდები დაფიქსირდა. ოჯახის წევრებმა, ზუგდიდის რაიონული სასამართლოს შენობის წინ, აქცია 6 მაისსაც გამართეს და პროტესტის ნიშნად სასამართლო პროცესზე არ იმყოფებოდნენ.