სასამართლოში "ფეხბურთელების საქმეზე" პროცესი იმართება

სამართალი - 11:41, 07 May, 2015

1048

საქალაქო სასამართლოში ჩაწყობილი თამაშების საქმეზე დაკავებული მოქმედი და ყოფილი ფეხბურთელების სასამართლო პროცესი მიმდინარეობს. საქალაქო სასამართლო დაკავებულთათვის აღკვეთის ღონისძიების შეფარდების საკითხზე იმსჯელებს.

მოქმედი ფეხბურთელების თემურ სანიკიძის და გიორგი გოდერიძის ადვოკატი აცხადებს, რომ მისი დაცვის ქვეშ მყოფები აღიარებენ დანაშაულს და ითანამშრომლებენ გამოძიებასთან. ადვოკატი სასამართლოზე დაკავებულთა გირაოს სანაცვლოდ გათავისუფლების შუამდგომლობას დააყენებს.

ნორჩი დინამოს ხელმძღვანელის ადვოკატი აცხადებს, რომ მისი დაცვის ქვეშ მყოფი დანაშაულს არ აღიარებს. ადვოკატის მტკიცებით, გამოძიების მიერ გავრცელებულ ვიდეოში შენგელიასთვის კუთვნილი ვალის დაბრუნების პროცესი არის ასახული.

ფეხბურთელებთან ერთად ბრალდებული არის ერთერთი ტოტალიზატორის წარმოამდგენელი ომარ ნაკაიძე, რომლის ადვოკატიც აცხადებს, რომ არავითარი შემხებლობა მისი დაცვის ქვეშ მყოფს საქმესთან არ გააჩნია და იგი ფსონებს ტოტალიზატორში დამოუკიდებლად ათავსებდა.

ცნობილია, რომ სახელმწიფო ბრალდება დაკავებულთათვის პატიმრობის შეფარდებას მოითხოვს. ბრალის დამტკიცების შემთხვევაში დაკავებულებს 5-დან 6 წლამდე პატიმრობა ემუქრებათ.

შეგახსენებთ, რომ ეროვნული ჩემპიონატის მონაწილე გუნდესბ მოსყიდვაში ადანაშაულებენ, ფაქტზე რვა პირა დააკევბული. გამოძიების ინფორმაცით, მოსყიდვა ხდებოდა 10 ათასიდან 20 ათასამდე თანხის სანაცვლოდ და წინასწარ მიღებული ინფორმაციის საფუძველზე. ონლაინ ტოტალიზატორებში მიღებული ინფორმაციის შესაბამისი ფსონები თავსდებოდა.