უკრაინული მედიის ინფორმაციით, ნადეჟდა სავჩენკო სასამართლო პროცესის მსვლელობისას ცუდად გახდა და სასრაფო დამხარების გამოძახება გახდა საჭირო.

სავჩენკოს ადვოკატის განცხადებით, მისი დაცვის ქვეშ მყოფს გულის პრობლემები შეექმნა.

შეგახსენებთმ, დღეს, მოსკოვის ბასმანის სასამართლომ უკრაინელ პილოტ, ნადეჟდა სავჩენკოს პატიმრობის ვადა 13 ნოემბრამდე გაუხანგრძლივა და ევროსაბჭოს საპარლამენტო ასამბლეის სესიაზე გამგზავრებაზეც უარი უთხრა.

აღნიშნულ გადაწყვეტილებას უკრაინის საგარეო საქმეთა სამინისტრო გამოეხმაურა და მას მორალის, სამართლიანობისა და ჰუმანიზმის პრინცპიპების დარღვევა უწოდა, რუსეთის კი სავჩენკოს დაუყოვნებლივ გათავისუფლებისკენ მოუწოდა.

შეგახსენებთ, უკრაინის ტერიტორიული მთლიანობისთვის მებრძოლი 33 წლის უკრაინელი მფრინავი ქალი, ნადეჟდა სავჩენკო 2013 წლის 17 ივნისს სეპარატისტებმა ტყვედ ჩაიგდეს, რუსი ჟურნალისტის მკვლელობაში დასდეს ბრალი და რუსეთის სპეცსამსახურებს გადასცეს. მას შემდეგ სავჩენკო პატიმრობაში იმყოფება.

გაეროს, ევროკავშირის, აშშ-სა და სხვა საერთაშორისო ორგანიზაციების მოთხოვნის მიუხედავად, სავჩენკო კვლავ რუსეთის საპატიმროში იმყოფება.

2014 წლის 13 დეკემბერს, სავჩენკომ გათავისუფლების მოთხოვნით შიმშილობა დაიწყო. ჯანმრთელობის მდგომარეობის უკიდურესად დამძიმების გამო, 5 მარტს შიმშილობა შეწყვიტა, თუმცა 10 დღის შემდეგ კვლავ განაგრძო და დღემდე შიმშილობს.

ხატია ლაღიძე