აშშ-მ რადიკალური ისლამისტური დაჯგუფება, "ისლამური სახელმწიფოს" ლიდერებზე ინფორმაციის მიწოდებისთვის 20 მილიონი დოლარის ოდენობის ჯილდო დააწესა.

ამის შესახებ განცხადება სახელმწიფო დეპარამენტის ვებ-გვერდზე ვრცელდება.

ყველაზე დიდი ჯილდო - 7 მილიონი დოლარი ერაყში ისლამისტთა მეთაურის, მუსტაფა ალ-კადულიზე ინფორმაციისთვის არის დაწესებული.

ISIS-ის ქართველ ლიდერ, თარხან ბათირაშვილზე, იგივე ომარ ალ-შიშანზე ინფორმაციის მიწოდებისთვის აშშ 5 მილიონი დოლარს გადაიხდის. "ისლამური სახელმწიფოს" პრეს-მდივან აბუ მუჰამედ ადნანზე ასევე 5 მილიონი დოლარი დაწესდა, ტაჰარ ბენ ფალიჰ ავანიზ ხარზიზე ინფორმაციისთვის კი 3 მილიონია დაწესებული.

ვაშინგტონის განცხადებით, „ისლამური სახელმწიფო“ მსოფლიოს მთავარ საფრთხეს წარმოადგენს.

ხატია ლაღიძე