საქალაქო სასამართლოში ე.წ. კაბელების საქმის განხილვა გაგრძელდება. სხდომაზე მტკიცებულებების დასაშვებობაზე იმსჯელებენ.

დაცვის მხარე მოითხოვს, რომ არ იქნას მტკიცებულებად დაშვებული ექსპერტიზის დასკვნა, რომელიც ბრალდების მხარის მტკიცებულებაა.

ადვოკატები ასევე ბრალდებულებისთვის აღკვეთის ღონისძიების შეცვლის საკითხს დააყენებენ.

„ბრალდების პოზიცია და შუამდგომლობები მოკლებულია სამართლებრივ რეალობას“, - აცხადებს ადვოკატი ლევან სამუშია.

ე.წ. კაბელების საქმეზე თავდაცვის სამინისტროს ყოფილ მაღალჩინოსნებს, ხუთ მილიონამდე სახელმწიფო თანხის გაფლანგვისთვის აქვთ ბრალი წაყენებული.