პროკურორი დავით ნეფარიძე "ქრონიკა +"-ის რედაქტორის ელისო კილაძის დაკითხვასთან დაკავშირებით კომენტარს აკეთებს. მისი თქმით, დაკითხვა ზვიად ჯანყარაშვილის მიერ შესული განცხადების საფუძველზე ხდება.

როგორც ნეფარიძე განმატავს, კილაძის დაკითხვა მის მიერ ზვიად ჯანყარაშვილთან დაკავშირებით გავრცელებულ ინფორმაციას უკავშირდება.

„რადგან განცხადება დანაშაულის ნიშნებს შეიცავდა, მიმდინარე წლის 27 აპრილს თბილისის პროკურატურის საგამოძიებო ნაწილში დაიწყო გამოძიება სისხლის სამართლის საქმეზე სამსახურებრივი უფლებამოსილების გადამეტებისა და სამსახურებრივი მდგომარეობის გამოყენებით სახელმწიფოს კუთვნილი დიდი ოდენობით თანხის გაფლანგვის ფაქტებზე, საქართველოს სისხლის სამართლის კოდექსის 333-ე მუხლის პირველი ნაწილით, 182-ე მუხლის მე-2 ნაწილის "დ" და მე-3 ნაწილის "ბ" ქვეპუნქტებით გათვალისწინებული დანაშაულის ნიშნებით. მოცემულ საქმესთან დაკავშირებით დაიკითხა ზვიად ჯანყარაშვილი, ამჟამად იკითხება ელისო კილაძე“, - განაცხადა ნეფარიძემ.