გამოძიების კითხვები უკავშირდება დასაქმების პროგრამას, რომელიც მთავრობის გადაწყვეტილებით ჯერ კიდევ 2012 წელს ამოქმედდა დ ამის მიზანს წარმოადგენდა ქვეყანაში უმუშევართა ბაზის შექმნა და მოსახლეობის დასაქმება.

ჭიაბერაშვილი აცხადებს, რომ იმის მაგივრად, რომ მთავრობა ზრუნავდეს დ აყენებდეს ამ ბაზას, ასაქმებდეს საზოგადოებას, სამინისტროს აუქმებს და იწყებს ამ ბაზაზე მომუშავე პირების დაკითხვას.

,,ახალ მთავრობას აქვს ძალიან კარგი საშუალება, იზრუნოს ჩვენი მოაქლაქეების დასაქმებაზე და აღმოფხვრას უმუშევრობის პრობლემა, რადგან ბაზა, რომელიც ჩვენ შევქმენით და ნაწილობრივ მოვასწარით ამის გაკეთება, დასაქმების ძალიან კარგ საფუძველს იძლევა და შესაბამისად, იმის ნაცვლად, რომ ჩვენ დაკითვხაზე გვატარონ და იმის ნაცვლად რომ ეს პროგრამა გადადონ გვერდზე, დასაქმების სამინისტრო გააუქმონ და ა.შ. ამის ნაცვლად, მათ უნდა გააგრძელონ უმუშევრობის პრობლემაზე მუშაობა’’, - განაცხადა დაკითხვაზე შესვლის წინ ზურაბ ჭიაბერაშვილმა.

დასავლეთ საქართველოს საოლქო პროკურატურაში მიმდინარეობს გამოძიება დასაქმების პროგრამასთან დაკავშირებით, პროკურატურის ინფორმაციით ამ ბაზის მიხედვით 21 ათასზე მეტი ადამიანი ფიქტიურად უკვე დასაქმდა და მათ ანაზღაურების სახით ბიუჯეტიდან 5 მილიონე მეტი გამოიყო.

დასავლეთ საქათველოს მთავრი პროკურორის ილია ჯალაღანაიას განცხადებთ, განმარტებები პროკურატურის მხრიდან მოგვიანებით გაკეთედება,

,,განცხადებები გაკეთდება კონკრეტულად საგამოძიებო საქმიანობის დასრულების შემდეგ’’- განაცხადა ჟურნალისტებთან ილია ჯალაღანიამ.