ჟურნალისტ ირაკლი კორძაიას ზვიად ჯანყარაშვილის წინააღმდეგ საჩივარი შეაქვს.

კორძაია ჯანყარაშვილის ბრალდებას პასუხობს და ამბობს, რომ ის სიტყვისა და გამოხატვის კანონის მიხედვით მოქმედებდა.

ჟურნალისტი დარწმუნებულია, რომ დავა მის სასარგებლოდ დასრულდება.

„დიდი იმედი მაქვს, რომ სამართლიანი სასამართლოს წესით ერთადერთი ადამინი, ვინც ამ პროცესით კმაყოფილი იქნება, ეს იქნება ჯანყარაშვილის ადვოკატი, რომელიც ალბათ სოლიდურ ჰონორარს მიიღებს“, - აცხადებს კორძაია.

ზვიად ჯანყარაშვილმა კორძაიას წინააღმდეგ სარჩელი საქალაქო სასამართლოში რამდენიმე დღის წინ შეიტანა. ამის მიზეზი ჟურნალისტის მიერ ბესიკ ხარძიანის მკვლელობის შემდეგ გაკეთებული განცხადება გახდა.

შეგახსენებთ, ირაკლი კორძაია ხარძიანის მკვლელობაში გია უდესიანს ადანაშაულებს. მისი თქმით, უდესიანის შესახებ არსებობს არაერთი ჟურნალისტური გამოძიება, რომლის მიხედვითაც იკვეთება, რომ ის მრავალპროფილიანი სისხლის სამართლის დამნაშავეა, თუმცა, კორძაიას თქმით, არ არსებობს გამოძიება, რადგან უდესიანს ლაშა ნაცვლიშვილი და ზვიად ჯანყარაშვილი მფარველობენ.