საქალაქო სასამართლოში, სადაც „თბილსერვის ჯგუფის“ საქმეზე გიგი უგულავას პროცესი მიმდინაორებს, მოწმეს ჰკითხავენ.

თეა დეკანოიძის თქმით, „თბილსერვის ჯგუფში“ 2010-2011 წლებში მუშაობდა, თუმცა მანამდე „ნაციონალურ მოძრაობასთან“ შეხება არ ჰქონდა.

როგორც მან პროცესზე განაცხადა, დაკითხვის დროს გამომძიებლის მხრიდან მასზე მუქარა ხორციელდებოდა.

„გამომძიებელმა მითხრა, აუცილებლად დაგიჭერ შენც და უგულავასაც, რადგან შენ ხელფასს არაფერში იღებდიო. ხმამაღლა და მკაცრი ტონით მესაუბრებოდა. წყალიც კი არ დამალევინეს საი საათის განმავლობაში. „თბილსერვის ჯგუფში“ 2010-2011 წლებში ვმუშაობდი, თუმცა დასაქმებამდე „ნაციონალური მოძრაობის“ აქტივისტი არ ვყოფილარ. 2011 წელს სამედიცინო ვაუჩერებს მერიის თანამშრომლის სტატუსით ვარიგებდი, მაგრამ „თბილსერვის ჯგუფის“ გარდა, არსად უმუშავია“, - განაცხადა დეკანოიძემ.

პროცესი საქალაქო სასამართლოში ამ წუთებში მიმდინარეობს. პროცესზე მოწმეების დაკითხვა მიმდინარეობს. აღნიშნულ საქმეში თბილისის ყოფილ მერს სახელმწიფოს კუთვნილი თანხის გაფლანგვა ედება ბრალად.